QUINTA PREGUNTIÑA

Como se chamaba nunha cidade romana o espazo entre a cidade e a muralla considerado sagrado e onde non se podía edificar.


SOLUCIÓN Á CUARTA PREGUNTIÑA
Nome de tres irmás convertidas en morcegos por Dioniso, incomodado con elas debido a que non querían celebrar unha festa a el dedicada.
AS MINÍADAS . (Alcítor ou Alcítoe, Leucipe e Arístipe ou Arsipe ou Arsínoe)

SEGUNDO PREGUNTÓN

1. Un rei de Micenas, descendente de Tántalo, para poder continuar a expedición a Troia tivo que sacrificar a súa filla, pero ¿que deusa non llo permitiu? Artemisa
   
2. En latín: lugar onde se situaba para as representacións o coro nun teatro grego. Orchestra
   
3. Nado en Samos e estabelecido en Atenas crea unha doctrina filosófica baseada na procura da felicidade humana. Epicuro
   
4. Unha das tres tribos nas que estivo o pobo romano dividido na súa orixe. Ramnes
   
5. Un tipo de insignia real no s. VI a. C. en Roma. Fasces
6. Metaloide sólido de composición semellante ó xofre que toma o seu nome dunha divinidade grega. Selenio
   
7. Poeta milesio da época clásica que escandalizou ó seu auditorio coas innovacións musicais dos seus ditirambos. Timoteo
   
8. En Latín: dereito que posuía un maxistrado romano de oporse a unha proposta de lei. Intercessio
   
9. Lugar onde vivíu durante o Imperio Romano a matemática que creou o astrolabio e o hidroscopio. Alexandría
   
10. Nome co que se coñece na literatura latina a un grupo de poetas, que son dunha mesma xeración e viviron entre o ano 82 a. C. e o 31 a. C.Pretendían compoñer como os gregos e concretamente como os alexandrinos. Neotéricos
    
11. Personaxe que se repite nas obras de Plauto. Sosias
    

Se contestas estas preguntas e ordenas as súas iniciais, poderás dicirnos O NOME DUN DUN ESCRTOR GREGO QUE LEVOU ÁS MULLERES AO PODER NUNHA DAS SÚAS OBRAS.

A R I S T Ó F A N E S